(ភ្នំពេញ)៖ នាព្រឹកថ្ងៃចន្ទ ទី២៣ ខែតុលា ឆ្នាំ២០២៣ នៅទីស្ដីការក្រសួងពាណិជ្ជកម្ម ឯកឧត្តម ទិត រិទ្ធីពល អនុរដ្ឋលេខាធិការក្រសួងពាណិជ្ជកម្ម និងជាប្រធានគណៈកម្មាធិការចរចារបស់ភាគីកម្ពុជាសម្រាប់ចរចាដំឡើងកម្រិតកិច្ចព្រមព្រៀងពាណិជ្ជកម្មសេរីអាស៊ាន-ចិន បានដឹកនាំកិច្ចប្រជុំអន្តរក្រសួង-ស្ថាប័ន ដើម្បីត្រៀមរៀបចំការចូលកិច្ចប្រជុំចរចាដំឡើងកម្រិតកិច្ចព្រមព្រៀងពាណិជ្ជកម្មសេរីអាស៊ាន-ចិន (ជំនាន់៣.០) លើកទី៤ ដែលគ្រោងនឹងធ្វើឡើងពីថ្ងៃទី២៥-២៩ ខែតុលា ឆ្នាំ២០២៣ នៅទីក្រុងបានឌុង នៃសាធារណរដ្ឋឥណ្ឌូណេស៊ី។ កិច្ចប្រជុំនេះ មានគោលបំណងដើម្បីស្ដាប់នូវរបាយការណ៍វឌ្ឍនភាពចុងក្រោយរបស់ក្រុមការងារទាំងអស់ក្រោមកិច្ចព្រមព្រៀងនេះ និងដើម្បីផ្លាស់ប្ដូរយោបល់ ក៏ដូចជាផ្ដល់នូវអនុសាសន៍ណែនាំមួយចំនួន សម្រាប់ជូនក្រុមការងារទាំងអស់ត្រៀមខ្លួនបានល្អសម្រាប់ការចរចានៅទីក្រុងបានឌុង នាពេលខាងមុខ។ ---(Phnom Penh): On the morning of Monday, 23 October 2023, His Excellency Tith Rithipol, Undersecretary of State of the Ministry of Commerce and Special ACFTA JC Lead for Cambodia chaired a Preparatory Meeting for the 4th Round of ACFTA 3.0 Upgrade Negotiations to be held on 25-29 October 2023 in Bandung, Indonesia. This meeting was conducted to update work in progress, exchange views and provide guidance to all the Working Groups/Sub-committees under the ACFTA 3.0 upgrade negotiations.