(ភ្នំពេញ)៖ នាព្រឹកថ្ងៃសុក្រ ទី២៤ ខែឧសភា ឆ្នាំ២០២៤ នៅទីស្តីការក្រសួងពាណិជ្ជកម្ម ឯកឧត្តម អ៊ុំ កុសល អនុរដ្ឋលេខាធិការក្រសួងពាណិជ្ជកម្ម និងជាប្រធានលេខាធិការដ្ឋាននៃក្រុមការងារអន្តរស្ថាប័ន សម្រាប់ពិនិត្យ តាមដាន វាយតម្លៃការអនុវត្តគោលនយោបាយជាតិស្តីពីដំឡូងមី ២០២០-២០២៥ (ក.ត.គ.ដ) បានដឹកនាំកិច្ចប្រជុំលេខាធិការដ្ឋាននៃក.ត.គ.ដ. ដោយមានការអញ្ជើញចូលរួមពីសមាជិកសមាជិកាមកពីក្រសួងស្ថាប័នពាក់ព័ន្ធ មន្រ្តីជំនាញពីអគ្គនាយកដ្ឋាន នាយកដ្ឋាន និងមន្ទីរពាណិជ្ជកម្មខេត្តពាក់ព័ន្ធ ជាច្រើនរូប។
កិច្ចប្រជុំនេះ ត្រូវបានរៀបចំឡើងក្នុងគោលបំណងសំខាន់ចំនួនពីរ រួមមាន៖ ១) ដើម្បីពិនិត្យ និងពិភាក្សាលើការរៀបចំរបាយការណ៍វឌ្ឍនភាពនៃការអនុវត្តគោលនយោបាយជាតិស្តីពីដំឡូងមី ២០២០-២០២៥ និង ២) ដើម្បីប្រមូលធាតុចូលបន្ថែមអំពីបញ្ហាប្រឈម និងសំណូមពរ សំដៅជំរុញការអនុវត្តគោលនយោបាយជាតិនេះឱ្យមានប្រសិទ្ធភាព៕
