(ខេត្តក្រចេះ)៖ នាព្រឹកថ្ងៃពុធ ទី២៦ ខែមិថុនា ឆ្នាំ២០២៤ លោក លឹម ច័ន្ទសុភ័ក្រ្ត អគ្គនាយករង នៃអគ្គនាយកដ្ឋានពាណិជ្ជកម្មក្នុងប្រទេស បានអញ្ជើញចូលរួមជាគណៈអធិបតីក្នុងសិក្ខាសាលាស្តីពី "ការផ្សព្វផ្សាយ និងពិគ្រោះយោបល់តាមតំបន់" ដែលជាផ្នែកមួយនៃការបង្កើតសហព័ន្ធដំឡូងមី ដោយសហការ និងគាំទ្រដោយក្រសួងពាណិជ្ជកម្ម អង្គការ GIZ-CRAS អង្គការ CIRD និងអង្គការ HEKS & CARITAS។

សិក្ខាសាលានេះរៀបចំឡើងក្នុងគោលបំណងដើម្បី៖

- ណែនាំអំពីអនាគតរបស់សហព័ន្ធ និងបង្ហាញអំពីវឌ្ឍនភាពនៃដំណើរការក្នុងការបង្កើតសហព័ន្ធដំឡូងមីកម្ពុជា

- បង្ហាញ និងពិភាក្សាលើសេចក្តីព្រៀងលក្ខន្តិកៈរបស់សហព័ន្ធដំឡូងមីកម្ពុជា និងប្រមូលធាតុចូលពីអ្នកចូលរួម ជាពិសេសពីតួអង្គនៃខ្សែច្រវាក់តម្លៃដំឡូងមី

- បង្ហាញលើការផលិត ការគ្រប់គ្រងពូជ ការគ្រប់គ្រងជីវជាតិដី និងការគិតគូរអំពីផលប៉ះពាល់បរិស្ថាន។