(ភ្នំពេញ)៖ នារសៀលថ្ងៃពុធ ទី២៤ ខែកក្កដា ឆ្នាំ២០២៤ នៅទីស្ដីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញដឹកនាំកិច្ចប្រជុំស្ដីអំពីវឌ្ឍនភាពការងារថែទាំ និងធ្វើបច្ចុប្បន្នភាពប្រព័ន្ធស្វ័យប្រវត្តិកម្ម និងការបង្កើតវិញ្ញាបនបត្របញ្ជាក់ដើមកំណើតទំនិញ (C/O) ទម្រង់ថ្មី ក្នុងគោលបំណងធ្វើឱ្យកាន់តែមានសុក្រឹត្យភាព គ្រប់ជ្រុងជ្រោយ និងបច្ចុប្បន្នកម្មទាន់ពេលវេលា ព្រមទាំងជួយសម្រួលដល់ការនាំចេញ។