(កណ្តាល)៖ នាថ្ងៃសៅរ៍ ទី១៤ ខែកញ្ញា ឆ្នាំ២០២៤ សាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប.) ខេត្តកណ្ដាល សហការជាមួយមន្រ្តីមន្ទីរពាណិជ្ជកម្មខេត្ត បានចុះត្រួតពិនិត្យទំនិញ និងផលិតផលម្ហូបអាហារ នៅផ្សារចុងសប្ដាហ៍ ក្នុងក្រុងតាខ្មៅ ខេត្តកណ្តាល ដើម្បីធានាឱ្យបាននូវសុខសុវត្ថិភាពចំណីអាហារជូនដល់បងប្អូនប្រជាពលរដ្ឋ ដែលមកលេងកម្សាន្ត។
ក្នុងការចុះត្រួតពិនិត្យនេះ មន្ត្រីជំនាញបាននាំយករថយន្តមន្ទីរពិសោធន៍ចល័តផ្នែកម្ហូបអាហាររបស់អគ្គនាយកដ្ឋាន ក.ប.ប. នៃក្រសួងពាណិជ្ជកម្ម មកតេស្តដោយផ្ទាល់នៅនឹងកន្លែង ដោយបានតេស្តលើ ៣៧សំណាកគំរូ រួមមាន៖ ផលិតផលបន្លែ ផ្លែឈើ ប្រហិតសាច់គោ ប្រហុក មឹក បង្គារ ក្ដាម មាំល្ហុង និងជ្រក់ទំពាំង ជាដើម។
ជាលទ្ធផល មន្ត្រីយើងពុំបានរកឃើញមានវត្តមានសំណល់គីមីកសិកម្ម ឬសារធាតុគីមីហាមឃាត់ឡើយ៕
