(រដ្ឋធានីវៀងច័ន្ទន៍, ប្រទេសឡាវ)៖ នាថ្ងៃចន្ទ ទី១៦ ខែកញ្ញា ឆ្នាំ២០២៤ នៅរដ្ឋធានីវៀងច័ន្ទន៍ សាធារណរដ្ឋប្រជាធិបតេយ្យប្រជាមានិតឡាវ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជារដ្ឋមន្ត្រីសេដ្ឋកិច្ចអាស៊ានតំណាងកម្ពុជា អញ្ជើញចុះហត្ថលេខាលើពិធីសារទី៥ ស្ដីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាន និងចូលរួមសក្ខីភាពក្នុងពិធីប្រគល់-ទទួលពិធីសារនេះរវាងឯកឧត្តមប្រធានកិច្ចប្រជុំរដ្ឋមន្ត្រីសេដ្ឋកិច្ចអាស៊ានឆ្នាំ២០២៤ និងឯកឧត្តមអគ្គលេខាធិការអាស៊ាន។

ពិធីសារទី៥ ស្ដីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាន ត្រូវបានរៀបចំតាក់តែងឡើងក្នុងគោលដៅបង្កើតនូវបរិស្ថានវិនិយោគដែលសេរី ងាយស្រួល តម្លាភាព និងប្រកួតប្រជែងនៅក្នុងអាស៊ាន ដោយប្រកាន់ខ្ជាប់នូវគោលការណ៍មួយចំនួនដែលផ្តល់នូវអត្ថប្រយោជន៍ដល់វិនិយោគិន និងការវិនិយោគដែលមានមូលដ្ឋាននៅក្នុងអាស៊ាន។