ថ្ងៃពុធ ទី១៨ ខែកញ្ញា ឆ្នាំ២០២៤ មន្រ្តីជំនាញសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប.) ខេត្តបាត់ដំបង បានសហការជាមួយ មន្ទីរពាណិជ្ជកម្ម មន្ទីរអប់រំ យុវជននិងកីឡាខេត្ត ធ្វើការអប់រំ ផ្សព្វផ្សាយស្ដីពីសុវត្ថិភាពម្ហូបអាហារ និងច្បាប់ស្ដីពីកិច្ចការពារអ្នកប្រើប្រាស់ ជូនដល់ លោកគ្រូ អ្នកគ្រូ និងសិស្សានុសិស្សនៅសាលាបឋមសិក្សាឃុំជ្រៃ ស្ថិតនៅក្នុងស្រុកថ្មគោល ខេត្តបាត់ដំបង។
ក្នុងកម្មវិធីអប់រំ ផ្សព្វផ្សាយនោះមានការចូលរួមពីសំណាក់ លោកស្រីនាយិកា លោកគ្រូ អ្នកគ្រូ សិស្សានុសិស្ស និងអាជីវករលក់ដូរ ក្នុងសាលា ចំនួន ៤៤៥ នាក់។
