(ប៉ៃលិន)៖ នាថ្ងៃពុធ ទី១៨ ខែកញ្ញា ឆ្នាំ២០២៤ មន្រ្តីជំនាញនៃសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប.) ខេត្តប៉ៃលិន បានសហការជាមួយមន្រ្តីមន្ទីរពាណិជ្ជកម្ម ចុះត្រួតពិនិត្យគឿងឧបភោគបរិភោគនៅផ្សារសាមគ្គីក្រុងប៉ៃលិន ខេត្តប៉ៃលិន ដើម្បីស្វែងរកសារធាតុគីមីហាមឃាត់ និងទំនិញមិនអនុលោមភាព ដែលបង្ករឱ្យមានផលប៉ះពាល់ដល់ខុសភាពអ្នកប្រើប្រាស់។

ក្នុងឱកាសនោះ មន្រ្តីជំនាញបានពិនិត្យទៅលើមុខទំមួយចំនួន រួមមាន៖ មីលឿង សរសៃគុយទាវស្រស់ ពពុះសណ្តែក នំបាញ់ឌុក មឹកស្រស់ បង្គាស្រស់ ខ្ញីហាន់ និងសណ្តែកបណ្តុះស្រស់ ជាដើម។

ជាលទ្ធផល ក្នុងចំណោមសំណាកគំរូដែលបានត្រួតពិនិត្យខាងលើពុំមានសារធាតុគីមីហាមឃាត់ឡើយ។ ជាមួយគ្នានេះ មន្រ្តីជំនាញបានចែកជូនផ្ទាំងរូបភាព (Poster) អំពីសុវត្ថិភាពម្ហូបអាហារចំនួន ១២ផ្ទាំង ផងដែរ។