(ភ្នំពេញ)៖ នាព្រឹកថ្ងៃសុក្រ ទី៧ ខែកុម្ភៈ ឆ្នាំ២០២៥ នៅទីស្តីការក្រសួងពាណិជ្ជកម្ម ឯកឧត្តម សួន វិជ្ជា ទីប្រឹក្សាក្រសួងពាណិជ្ជកម្ម ប្រធានលេខាធិការដ្ឋាននៃគណៈកម្មាធិការជាតិគ្រប់គ្រងកម្មសិទ្ធិបញ្ញា និងជាប្រធាននាយកដ្ឋានកម្មសិទ្ធិបញ្ញា បានដឹកនាំកិច្ចប្រជុំលេខាធិការដ្ឋាននៃគណៈកម្មាធិការជាតិគ្រប់គ្រងកម្មសិទ្ធិបញ្ញា ដើម្បីពិនិត្យ និងកែសម្រួលសេចក្តីព្រាងរបាយការណ៍ការងារកម្មសិទ្ធិបញ្ញាឆ្នាំ២០២៤ និងទិសដៅការងារឆ្នាំ២០២៥ របស់ គ.ក.ប. ដែលទទួលបានពីសមាជិក គ.ក.ប. មុននឹងដាក់ឆ្លងកិច្ចប្រជុំគណៈកម្មាធិការជាតិគ្រប់គ្រងកម្មសិទ្ធិបញ្ញា។

កិច្ចប្រជុំនេះមានការអញ្ជើញចូលរួមពីសមាជិក ល.គ.ក.ប. និងមន្រ្តីជំនាញរបស់នាយកដ្ឋានកម្មសិទ្ធិបញ្ញា ជាច្រើនរូប ដោយបាន ពិនិត្យនិងកែសម្រួលលើសេចក្តីព្រាងរបាយការណ៍ការងារកម្មសិទ្ធិបញ្ញាឆ្នាំ២០២៤ និងទិសដៅការងារកម្មសិទ្ធិបញ្ញាឆ្នាំ២០២៥ របស់ គ.ក.ប.។

បន្ថែមពីនេះ កិច្ចប្រជុំ បានពិនិត្យលើសេចក្តីព្រាងច្បាប់ ស្តីពី ការសម្ងាត់ពាណិជ្ជកម្ម ក្នុងក្របខ័ណ្ឌ ល.គ.ក.ប. ព្រមទាំងបានពិនិត្យនិងតាមដានការអនុវត្តសកម្មភាពក្នុងគោលនយោបាយជាតិ ស្តីពីកម្មសិទ្ធិបញ្ញា ឆ្នាំ២០២៣-២០២៨ ផងដែរ។